السلاااااااام عليكم كما تلاحظون وتسمعون كل يوم قضية سرقه ولكن هالمره سرقات ابل غنم خرفان اسطوانات وكل يوم بلاااغ و الناس نايمه والعيووون الساهره كل يوم في مكااااااااان وعند التأكد من ذلك تجد الحراميه من اصحاب الوظائف في حبونا وضواحيها من الموظفين اللي يطلعووو يشوفو التعديات ولتوقيع اوراق وعندما يشاهد الموظف الحلااااااااااااااااال يسري عليه بالليل ويسوقه الى مسافه ويحمله في الدينا وراح به تحت حبونا والا الحبابه والا سرووو والا الرحبه والا فوق الحصينيه الى ان تهدأ الامور كل واحد ينتبه من موظفي الزراعه والبلديه نصيحه واصدقاهم في الشرطه ويعلموهم اول باول

صدر الحكم على قاتلي ضابط المخدرات بمحافظة ثار بالقصاص لخمسه اشخاص وسجن سته اشخاص خمسه وعشرين عام هل معقول ذلك هذا ماوصلني

السلام عليكم نلاحظ هذه الايام استخدام السيارات الحكوميه خارج الدوام في نقل الاعلاف والمواشي وشبوك الاغنام هل هذا يعني لدى السائقين صلاحيه بهذا الاستخدام ام ان المسؤلين غافلين عن ذلك وللمتابعه وصحه ذلك سيارات البلديه بحبونا والزراعه وكذلك سيارات الشرطه في المجمع والذهاب بها الى اماكن تواجد الحلااال داخل الشعاب اين المراقبه

سالم اليامي

اخواني واخواتي السلام عليكم ورحمة الله وبركاته
والله الذي لااله الاهو ان هذا اللى صار معي واذا ظلمت احد سبحانه ينتقم مني اشد انتقام
( الذين ينفقون أموالهم في سبيل الله ثم لايتبعون ما انفقو منا ولا أذى لهم أجرهم عند ربهم ولا خوف عليهم ولاهم يحزنون )
إليكم مأساتي بعدمانزعه صمتي باقولها للملا ديوني عشر الاف اربع منها للبقاله والباقي ديون متفرقه بين جاراتي اماحاجتي للمعونه الشهريه فهي ماسه لكي لاتحدني الظروف واستدين ولااروح للعمده ولا الاماره ولااي مكان يوجدبه ذئاب بشريه اذاتبون تفاصيل عني وعن حياتي بقولها لكم انا بنت حموله معروفه و عمري 35سنه متزوجه من واحد وعشرين سنه لاتحطون علامه تعجب تزوجت وانا طفله لااعي الحياه الزوجيه لصديق ابي رحمه الله كنت ب 14 وزوجي 40 سنه احداث واحداث والام وهم واخيرا تاقلمت مع الحياه لكن للاسف ظهر لى شبح الفقر عندما تقاعد زوجي واصبح كل شي محسوب الاكل النوم الكهرباء مع ديون زوجي اصبح يكرس ثلاث ارباع راتبه على الديون ونحن للاسف ابسط الامور تنازلت عنها لى عشر سنوات وانااكره العيد واكره المناسبات لان ببساطه انذل لابغيت اجيب لابناتي ملابس العيد المهم صار ضرف لامي حريق بالبيت واستدنت من جارتي مبلغ ولكن الدين جر دين اخر وهو دين البقاله ماقدرت اسد جارتي ولااسد البقاله عجزت قلت اكلم العمده يشوفلى الجمعيه بس للاسف العمده طلع ذئب بشري انا ماغلطت وانا صغيره يبيني اغلط يوم كبرت وفهمت قلت اتركه واروح اكلم الامير يوظفني بالاماره اوبالمطار بحدود قدراتي لكن هههههه طلع موبس العمده اللى ذئب كثير من الحارس الى سكرتير القصر يال سخريه الواقع المر للاسف الدنيا صارت خذ وهات احتمال مستغربين بس والله الذي لااله الاهو ان هذا اللى صار معي واذا ظلمت احد سبحانه ينتقم مني اشد انتقام والذي يحفظ امي ويصلح ذريتي ويرحم ابوي بقبره اني ماافتريت على احد انصدمت والله بالواقع ياترى الغلط بي ولابهم علشان جيتهم ومحد عرف على بالهم اني اذا احتجت بتنازل عن شرفي لا والذي خلقكم وسواك رجلاونساء اموت من الجوع ولا ابيع نفسي عارفين مره اتمنيت ان راعي البقاله يقدم شكوى عليه علشان تلتفت لى الدوله وتحس ان فيه انسانه لم تعش طفولتها بسعاده ولم تعش شبابها بهناء والله اني اتمنا الموت ولاهالحياه زوج قاسي حياه قاسيه ظروف لعينه وابنائي الثمانيه وانا وش اسوي قدام هذا كله ياترى وش بتحمل لى الايام اناقلت اشترك بهالمنتدى ومتفائله بكم خيرباعظائه وزواره ماقول غير الله يبلغكم الدعوة المستجابة ويفتح لكم ابوب الرزق على فكره كل اللى قلته لكم موجز ولا االتفاصيل اليمه ماابي اكدر خاطركم يعلم الله اني اليوم اللى يسجل حالى قبل ساعات بالنائمه اول مره احس بنعمه النوم بعد معرفتي بالمنتدى تصدقون لاكوابيس ولاارق ولاقلق قبل كنت زي الاطفال اللى بالمهاد اذا شافو وجه غريب او راحو لمكان جديد تصيبهم حاله فزع وخوف انا ليلي مثلهم انا اكره الليل لانه بيجي وراه يوم جديد وايامي اغلبها كدر وضيق لان القدر يعاقبني على كل يوم حلو اضعافه كدر وهم وغم بس يارب يتغير حالى بوجود اهل الخير وانا بنتكم ومنكم وفيكم لا تخلوني عارفين قبل ماانام لازم يمر بخاطري من له حق علي احيان اخاف اموت واناعلي ديون واحيان اقول ياليتني اموت ولاهالحياه امس صاحب البقاله كشر عن انيابه بس والله والذي جمعنا بلاميعاد مالومه عاد ديون وقواية عين علي دين وجايه اتدين ردني يقول سدي اول عارف وربي كان نفسي يقول بشكيك بس هوفيه الخير والله انه احسن من العمده والذئاب اللى مرت عليها مايناظر بي بس كل اللى يقوله دين واجد انتا لازم يسد بسرعه علشان ان يبغى سفر المفروض اني سادته من زمان بس لى سنه وانا اتدين وكله بسبب العمده اللى قال خذي اللي تبين باسوي لك راتب شهري وتسدينه ولما بان على حقيقته واستغبيت وسويت نفسي موفاهمه عليه الله لايحيجكم الحاجه اللى ماخلتني اهينه على طلبه قال لى بالعربي انااسوي لك راتب شهري بس انتى وش تسوين لى قلت له دعوه بظهر الغب ولومادعيت لك ربي ماراح يخسرك لانه عمل خيري هنا ضحك وقال وين اصرف هالكلام مع انه قبل يقول انا ساعدت فلان وفلان وفلان بس جاء لعندي يبي المقابل ولا سكرتير قصر الامير اللى عزله عن منصبه والله كان احلا قرار لانه موكفو هالمركز كلمته يقول عندك اتصال مرئي هههههه اناشفتك عندباب القصر بس باشوفك بدون نقاب ما
سأل نفسه ليه جيت عند القصر اخخخخخ الله لا يحجنا بس المهم قال لى ابشري بعزك هاتي رقم حساب قلت ماعندي قال لا لازم تسوين وسويت رقم الحساب اللى مابه غير خمس وعشرين ريال وعطيته اياه قال لى اذارحتى عند اهلك اجي اخذك بالسياره هنا قلت استوب انا لوامشي بهالطريقه محتجتك ولااحتجت اشكالك بعدها شكله خاف او استتحى بس والله هم السبب بديني لاني طلبتهم معونه وقالولى ابشري مع ظروف حريق بيت امي لان امي ام ايتام ماعندها غير الضمان ومالها غير ولد وحيد ومتزوج زوجتين وابناء واجد عليه ان يصرف على زوجات ابي وابنائهن يعني يصرف على خمس بيوت الله يعينه تخيلوا موظف يصرف على خمس بيوت فيه ظروف اقسي من ظروفي وحلها ابو متعب ورجال الخير الله يحفظهم بس انا ظرفي سهل ليه ماينحل ليه اكون عرضه للذئاب البشريه اتنازل عن مبدئي انجرف بتيار هات وخذ مااقدر انا اخاف الله ولاابي شي غيرالستر وسد ديني عارفين انا لوزوجي يوافق ابي ابيع كليتي اواي جزاء من جسمي بس علشان مااحتاج شي مع اني ماادري هل بيعها حلال اوحرام بس بالنسبه لى ارحم من ان ابيع عرضي لاامل في وظيفه لى لانه ببساطه ماعندي اي شهاده سوى شهادتي لابتدائيه لماتخرجت من سادس ابتدائي دققوا على كلمه تخرجت ههههه كافاني والدي رحمه الله بهديه غير كل الهدايا زوج كبير كنت ازف له كاالبهيم عندما يزف بها للجزاربس الفرق البهيم تموت ماتطول بالذل اما انا طفله تلبس فستان ابيض ياماحلمت به بس علشان ازف جنب اي عروس واناامسك لها الشموع للاسف لبسوني ذاك الفستان وقالواليوم عرسك انتى لاتخافين نجيب صاحباتك بالمدرسه يمسكن الشموع كنت العب معهاهم كانويقولون ليش ابوك خلاكي تلبسي العبايه بدري كنت اقول لهم علشاني طويله هههههه ماعرفت انه علشان يزوجني بدري يوه اناازعجتكم بالسوالف سامحوني بس مومصدقه اني نمت وماحلمت اَللّـهُمَّ اِنَّكَ تَرى وَلا تُرى وأنت بِالْمَنْظَرِ الأعلى، وَاَنَّ إليك الْمُنْتَهى وَالرُّجْعىْ واَنَّ لَكَ الآخرة والأولى، واَنَّ لَكَ الْمَماتَ وَالَْمحْيا، وَرَبِّ أعوذ بِكَ أن أذل أو أخزى . اسالك برب الكون ابي حل سريع ابي اسدالبقاله لانه بيسافر زي مايقول واسد جارتي اوبالاصح جاراتي
عزمن انتخيت بهم والله فديتكم الله يوفقكم ويرزقكم من حيث لاتحتسبوا جعل الله يجعل وقفتكم معي في موازين اعمالك للتواصل ايميلي عند الاداره والله على مااقول شهيد الفقيره لله